तस्विर : नमो अनलाईन
इनरुवा । सुनसरी सदरमुकाम समेत रहेको इनरुवा नगरपालिकाका प्रमुख केदार भण्डारीले अहिलेको संविधानले महिला अधिकारलाई सुरक्षित गरेको बताउनुभएको छ ।
सुनसरी सदरमुकाम समेत रहेको इनरुवा नगरपालिकाले ११४ औं अन्तराष्ट्रिय महिला दिवसको अवसरमा मङगलबार आयोजना गरेको कार्यक्रमलाई सम्बोधन गर्नुहुदै उहाँले सो कुरा बताउनुभएको हो ।
उहाँले देशको नीति निर्माणमा महिलाको महत्पूर्ण भुमिका रहेको बताउनुभयो । अहिलेको संविधान उत्कृष्ट भएको उल्लेख गर्नुहुदै प्रमुख भण्डारीले संविधानले समेत महिलाको हक–अधिकारलाई सुनिश्चित गरेको दाबी गर्नुभयो । महिला–पुरुष एक रथको दुई पाग्रा भएको बताउनुहुदै देश विकासका लागि महिलाको भुमिका उदाहरणीय रहेको बताउनुभयो । पुरुषलाई गालि गरेर महिला अधिकार प्राप्त नहुने उहाँले दाबी गर्नुभयो । अहिलेको संविधानले दोस्रो बिबाहको कल्पना समेत नगरेको बताउनुहुदै समाजमा भएको कुरितिलाई अन्त्य गर्नका लागि सबै महिला सशक्त भएर अगाडि बढनुपर्नेमा नगर प्रमुख भण्डारीले जोड दिनुभयो ।
अपाङ्गता भएका व्यक्तिलाई नगरपालिकाले बिषेश प्राथमिकतामा राखेर काम गरिरहेको प्रमुख भण्डारीले बताउनुभयो । इनरुवा नगरपालिकाले महिला उद्यमसिलताको क्षेत्रमा बिभिन्न किसिमको सिपमुलक तालिम प्रदान गर्दै आएको बताउनुभयो ।
उहाँले महिलालाई स्वरोजगार बनाउननका लागि सिलाई कटाई, व्युटिसियन, जुत्ता बनाउने लगायतका सिपमुलक तालिम प्रदान गर्नुका साथै सामग्री समेत प्रदान गरेको प्रमुख भण्डारीले बताउनुभयो । महिलालाई कृषि क्षेत्रमा आत्म निर्भर बनाउनका लागि कृषि सामग्री र औजार प्रदान गर्दै आएको र आउने दिनमा समेत यसलाई निरन्तरता दिने बताउनुभयो ।
कार्यक्रममा करिव १५ भन्दा बढी महिला श्रमिकलाई उपहार स्वरुप साडि,चोलो, पेटीकोट, कम्वल लगायतका सामग्री हस्तान्त्रण गरिएको थियो भने २ जना जेष्ठ महिला श्रमिकलाई दौसल्ला सहित सम्मान गरिएको थियो ।
कार्यक्रममा इनरुवा नगरपालिकाका उप–प्रमुख बिनिताकुमारी मेहता, इनरुवा १ का वडाध्यक्ष प्रमोद पोखरेल, ५ का वडाअध्यक्ष अनिल पोखरेल, १० का वडा अध्यक्ष डाक्टर खलिल मंसुरी, सुनसरीका प्रमुख जिल्ला अधिकारी जयनारायण आर्चाय, सुनसरीका प्रहरी उपरीक्षक बिपिन रेग्मी, उद्योग वाणिज्य संघ इनरुवाका अध्यक्ष बिरेन्द्रकुमार साह, नेपाली काङग्रेस इनरुवाका उप–सभापति बिनिता दाहाल लगायतको सहभागीता रहेको थियो ।
