तस्विर : नमो अनलाईन
बर्जु । सुनसरीको बर्जु गाउँपालिका वडा नं. १ ले वडाका विपन्न परिवारका बिद्यार्थीलाई न्यानो कपडा वितरण गरेको छ । वडाले विपन्न परिवारका बिद्यार्थीहरु अध्यनरत रहेको सामुदायिक बिद्यालयमा गएर जाडोमा लगाउने स्विटर वितरण गरेको हो ।
वडाध्यक्ष दिलबहादुर गुरुङ्गले वडामा रहेका श्री लक्ष्मी आधारभूत विद्यालय बर्जु, बुग्डहरी र श्री दुर्गा माध्यमिक विद्यालयमा अध्ययनरत रहेको विपन्न परिवारका बिद्यार्थीलाई न्यानो कपडा वितरण गरेको बताए । उनका अनुसार ECD मा अध्ययनरत ५५ जना तथा कक्षा १ मा अध्ययनरत रहेको बिद्यार्थीहरुलाई स्विटर वितरण गरिएको हो ।
वडा नं. १ का सामुदायिक बिद्यालयहरुमा विपन्न परिवारका बिद्यार्थीहरुको संख्या धेरै छ । वडाले अति विपन्न परिवारका बिद्यार्थीलाई छनोट गरी सामुदायिक विद्यालयमा गएर वितरण गरिएको उनले बताए । आगामी दिनमा समेत आफुले शिक्षा क्षेत्रको सर्वाङ्गीण विकासको लागि विभिन्न योजनाहरु ल्याउन लागेको जानकारी दिनुभयो भयो।
न्यानो लुगा वितरणको सुरुवात वडा अन्तर्गतको सामुदायिक विद्यालय दुर्गा माध्यमिक विद्यालयबाट गरिएको वडा सचिव मिलन खतिवडाले बताए । वडाको वार्षिक कार्यक्रम अन्तर्गत न्यानो लुगा वितरण गरिएको जानकारी दिए ।
यता दुर्गा माध्यमिक विद्यालयका प्रअ कनचन मण्डले वडाअध्यक्षले गरेको कामको प्रसंसा गर्दै खुसी व्यक्त गरेकी छिन् । न्यानो लुगा वितरणले विद्यार्थीहरुमा उत्साह थपिएको बताइन् ।
त्यस्तै लक्ष्मी अधारभुत विद्धालयका प्रअ इन्दिरा फुयालले यस्ता कार्यक्रमले बिद्यार्थीको मनोवलमा सकारात्मक प्रभाव पार्ने बताइन् ।
