तस्विर : नमो अनलाईन
इटहरी । इटहरी उपमहानगरपालिका २ हलगडा चोकमा मंगलवार साँझ कारले ठक्कर दिँदा एकजना पैदलयात्रीको मृत्यु भएको छ ।
धरानबाट इटहरीतर्फ आउँदै गरेको प्रदेश १–०२९ च ९४५९ नम्बरको कारले ठक्कर दिँदा पैदलयात्रीको मृत्यु भएको हो ।
मृत्यु हुनेमा भोजपुरको हतुवागढी गाउँपालिका ६ घर भइ इटहरी २ हलगडामा बस्दै आएका ५२ वर्षीय जयबहादुर राई रहेका छन् ।
ठक्करबाट गम्भीर घाइते भएका उनको उपचारको क्रममा धरानस्थित वीपी कोइराला स्वास्थ्य विज्ञान प्रतिष्ठानमा मृत्यु भएको प्रहरीले जनाएको छ ।
घटना सम्बन्धमा प्रहरीले थप अनुसन्धान गरिरहेको जनाएको छ ।
