तस्विर : नमो अनलाईन
इनरुवा । सुनसरीको सदरमुकाम इनरुवामा हिन्दु स्वयंसेवक संघ नेपालको आयोजनामा भव्यताका साथ गुरुदक्षिणा समर्पण उत्सव कार्यक्रम सम्पन्न भएको छ । आफ्नो धर्म संस्कृती परम्परा अनी रितीथितीको संरक्षण गरौं, परधर्मीहरुको लहैलहैमा लागेर आफ्नो सनातनी परम्परा नमासौं भन्दौ धर्म रक्षाको लागि काम गर्दै आएको हिन्दु स्वयंसेवक संघ नेपालले सदरमुकाम इनरुवामा गुरुदक्षिणा समर्पण उत्सव कार्यक्रम सम्पन्न गरेको हो ।
कार्यक्रममा संघका जिल्ला संघचालक राजकुमार मेहताले सबैले आ आफ्नो ठाउँबाट आआफ्नो धर्म संस्कृति र संस्कारको रक्षाका लागि लाग्नुपर्ने बताउनुभयो । सयौंको संख्यामा रहेका संघ कार्यकर्ताहरुले स्वेक्षाले सहयोग गर्दै आफ्नो ठाउँबाट योगदान गर्ने र आफ्नो संस्कृति, संस्कार र धर्म संरक्षण गर्दै अगाडि बढ्ने र अरुले हस्तक्षेप गरेको खण्डमा त्यसको प्रतिबाद गर्ने समेत प्रतिवद्धताका साथ गुरुदक्षिणा समर्पण उत्सव कार्यक्रम सम्पन्न गरेको छ । गुरुदक्षिणा समर्पण उत्सव कार्यक्रमममा वत्ताहरुले सम्बोधन गर्दै आफ्नो धर्मको रक्षा गर्न सवै एक जुट हुनुपर्नेमा जोड दिनुभएको थियो । यस्तै कार्यक्रममा स्वयंसेवक दिलिप साहले आफ्नो धर्म संस्कृतिको रक्षाको लागि सबै आफै उठनुपर्नेमा जोड दिनुभयो ।
यस्तै कार्यक्रममा स्वयंसेवक संघका स्वयंसेवक श्रवण यादवले आफूहरुले हाम्रो संस्कार जोगाउन नसकेको खण्डमा भावी पुस्ताले हामीलाई धिक्कार्ने बताउनुभयो । यस्तै उहाँले कसैको प्रलोभनमा लाग्दै आफ्नो रिती परम्परा त्याग्नु भनेको मातृ भूमीमाथी गरिएको गद्दारी समेत भएको बताउनुभयो । हिन्दु स्वयंसेवक संघले प्रत्यक बर्ष गुरु दक्षिणा कार्यक्रम गुरु पूर्णिमा देखि एक महिनासम्म गर्दै आएको छ । गुरु दक्षिणाबाट उठेको रकमबाट नै देशभर संस्कृति संरक्षणका काम हुँदै आएको जनाएको छ । स्यंसेवक संघका जिल्ला सहचालक मनोज कुमार यादव, सुकदेव मेहता, रघुनन्दन मेहता सहितको उपस्थिती रहेको थियो ।
