तस्विर : अजय मण्डल/नमो अनलाईन
देवानगञ्ज । हिन्दू स्वयंसेवक संघ नेपाल, देवानगञ्जले देवानगञ्ज गाउँपालिका वडा नं. – ७, पक्कीटोल, सिनुवारी स्थित रहेको श्री माध्यमिक विद्यालय पक्कीटोलमा अध्यनरत बिपन्न परिवारका बिद्यार्थी तथा स्थानीय वृद्धहरुलाई न्यानो लुगा वितरण गरेको छ ।
देवानगञ्ज गाउँपालिका जन्मिएका तर हाल अमेरिकामा बसोवास गर्दै आइरहेका दोई प्रकाश मेहता र प्रमोद मेहताको आर्थिक सहयोगमा न्यानो लुगा बितरण गरिएको हो ।
समाजलाई एक ढिक्कामा बाँध्दै बिभिन्न धार्मिक तथा समाजिक कार्य गर्दै आइरहेको हिन्दू स्वयंसेवक संघ नेपालले देश भरी नै आफ्नो सेवा कार्य गर्दै आइरहेको छ।
यो भन्दा अगाडि देवानगञ्जकै श्री माध्यमिक विद्यालय पाँचौसिम्मर र दिव्या अधारभुत विद्धालयमा न्यानो लुगा वितरण गरि सकेको छ ।
