देवानगञ्ज । सुनसरीकाे देवानगञ्ज गाउँपालिका वडा नं. ३ पाँचौसिम्मर स्थित रहेको श्री माध्यमिक विद्यालयमा नव निर्मित भवनको उद्घाटन गरिएको छ।
आईतवार देवानगञ्ज गाउँपालिकाका अध्यक्ष वेचन प्रसाद मेहताको प्रमुख आतिथ्यमा नव निर्मित आठ कोठे भवनको उद्घाटन गरिएको हो।
अध्यक्ष मेहता स्थानीय सरकारको बागडोर समाहले पछि शिक्षा, स्वास्थ्य र कृषि क्षेत्रलाई पहिलो प्राथमिक्तामा राखी कार्य गर्दै आइरहेको छ । सोही अनुरुप लामो समय देखी जिर्ण भवनमा पठन-पाठन गर्न बाध्य रहेका विद्यार्थिहरुको लागि नयाँ भवन निर्माण गरी विद्यालयलाई जिम्मा लगाएका छन् ।
कार्यक्रमलाई सम्बोधन गर्दै अध्यक्ष मेहताले शिक्षाको गुणस्तर सुधारका लागि देवानगञ्ज गाउँपालिकाले बजेटमा प्राथमिकता दिएर भौतिक संरचना निर्माणका साथै खेलकुद, अतिरिक्त क्रियाकलाप, शैक्षिक महोत्सव, दिवा खाजा लगायत कार्यक्रम अगाडि सारेको बताए ।
नयाँ बनेको भौतिक संरचना विद्यालयका लागि महत्वपूर्ण संरचनाका रुपमा स्थापित भएको बताउँदै मेहताले हाल देवानगञ्ज क्षेत्रभित्रका विद्यालयहरुमा हरेक दिनजसो अनुगमन भइरहेको उल्लेख गरे । उनले भौतिक पूर्वाधार, शिक्षा, स्वास्थ्य र कृषिमा उत्तिकै प्राथमिकताका साथ पालिका अगाडि बढेको बताए ।
