इनरुवा । मुस्लिम इत्तेहाद सङ्गठन सुनसरीको चौथो जिल्ला अधिवेशनले तुफेल अहमद अन्सारीलाई सर्वसम्मति गरी अध्यक्षमा निर्वाचित गरेको छ ।
सुनसरी इत्तेहादकाे उपाध्यक्षमा माे. एजाजुल (गढी), सचिवमा आकिब हुसेन (इटहरी), उपसचिव द्वयमा सफालुद्दिन मिया(भाेक्राहा) र मुस्ताक आलम(दुहबी)लाई निर्वाचित गरेको छ । अधिवेशनले २५ जना सदस्यसमेत निर्वाचित गरेको सङ्गठन सुनसरी जिल्ला इन्चार्ज अफाक अहमदले जनकारी दिए ।
इत्तेहाद सङ्गठनका केन्द्रीय अध्यक्ष तथा प्रतिनिधि सभा सदस्य सेराज अहमद फारुकीकाे प्रमुख आतिथ्यमा सम्पन्न अधिवेशनले सुनसरी एमाले जिल्ला इन्चार्ज तथा पूर्व मन्त्री जगदीशप्रसाद कुसियत, पार्टी केन्द्रीय सदस्य तथा इत्तेहादका महासचिव तैयब हुसेन, एमाले नेता तथा पूर्वमन्त्री जाकिर हुसैन र प्रदेश सदस्यद्वय लश्करी अन्सारी, आबिद हुसेन र इत्तेहाद जिल्ला इन्चार्ज अफाक अहमदकाे विशेष पहलमा आइतबार साँझ अबेरसम्म सहमति कायम गरिएको हाे ।
नेपाल मुस्लिम इत्तेहाद सङ्गठन नेकपा एमालेको भातृसंगठन हाे । २०४८ सालमा नजिर मियाँको अध्यक्षतामा यसको स्थापना भएको थियो । यो नेपालमा पहिलो अर्द्ध राजनीतिक सङ्गठन समेत भएको अहमदले बताए ।
