तस्विर : नमो अनलाइन
देवानगञ्ज । विगत लामो समयदेखि देवानगञ्जलाई कार्यक्षेत्र बनाई पत्रकारीता गर्दै आएका हाल नमो अनलाइन डटकमका सहकर्मी पत्रकार जुगेश दासलाई नेपाल प्रहरीका जवानले ‘खुट्टा का’टी दिने धम्की दिएका छन्।
तिन दिन अगाडी देवानगञ्ज गाउँपालिकाका वडा नं. १ मध्यहर्षाही (पुर्व गाउँपालिका अध्यक्ष स्व. लालि प्रसाद मेहता) को घर अगाडिको सडक अवरोध गरी बिच सडकमै मकै दौनि गरिरहेको भिडियो रिपोर्ट समाचार नमो अनलाइन डटकमको फेसबुक पेजमा प्रकाशित भएपछि सोही बिषयलाई लिएर का’टी दिने धम्की दिएको हो।
पत्रकार दासका अनुसार नेपाल प्रहरीमा कार्यरत हाल विराटनगरमा पोस्टिङ् रहेको प्रहरी जवान अरुण मेहताले फोनमार्फत तथानाम गालीगलौज गरी “पैसा लिएर समाचार लेख्छौ, गाउँपालिका अध्यक्षले पैसा दिन्छन् त्यही भएर त्यसको विरुद्धमा समाचार लेख्दैनौ?” जस्ता तथ्यहिन आरोप लगाउँदै “खुट्टा काटिदिन्छु, पत्रकारिता सिकाईदिन्छु” भन्दै धम्कीपूर्ण भाष्य प्रयोग गरेको थियो।
नेपाल प्रहरीजस्तो जिम्मेवार र अनुशासित निकायबाट पत्रकारमाथि यसप्रकारको व्यवहार हुनु प्रेस स्वतन्त्रतामाथिको हमला हो।
यस विषयमा स्थानीय प्रहरी प्रशासन तथा जिल्ला प्रहरी कार्यालय मोरङले हालसम्म औपचारिक धारणा सार्वजनिक गरेका छैनन्। यद्यपि, यसप्रकारको घटना प्रहरी संगठनकै छविमा आँच पुर्याउने खालको भएकोले छानबिन हुनु अपरिहार्य देखिन्छ।
यसको छानबिन गरी दोषीलाई कारवाही गर्न माग गर्दछौँ। अन्यथा हामी सशक्त रुपमा यसको प्रतिकार गर्ने छौं।
साथै नेपाल पत्रकार महासंघ सुनसरीलाई समेत यस विषयमा दखल दिन आग्रह गर्दछौं।
