सामाजिक सञ्जाल
हरिनगर । सुनसरीको धरान–११, मङ्गबारे चोकमा साउन ३० गते गोरु काटेर सार्वजनिक भोज गरिएको घटनामा राजनिकदलहरुको मौन समर्थन रहेको पाईएको छ ।
धरानको मङ्गलबारेमा मंगलबार मात्र गोरु काटेर जेल परेका दोषीहरु जेल बाहिर आएको खुशीयालीमा गोरु नै काटेर भोज लगाइएको भन्दै सामाजिक सञ्जालमा तस्विर तथा भिडियोहरु अपलोड भएका थिए। आदिवासी जनजातिको अधिकारको पक्षमा काम गर्दै आएका संघसंस्थाका प्रतिनिधि तथा क्रिस्चियन सोसाइटीका प्रतिनिधीहरु सो सहभोजमा सहभागी भएका खबरहरु स्थानीय सञ्चार माध्यमहरुले प्रकाशन\प्रशारण गरेका थिए।
सो घटनामा बिभिन्न राजनीतिक दलहरुको मौन समर्थन रहेको पाईएको छ। राजनीतिक दलमा आबद्ध नेता कार्यकर्ताहरुको सामाजिक सञ्जालमा गरिएको पोस्टहरु हेर्दा राजनीतिक दलहरुको मौन समर्थन रहेको प्रस्ट बुझ्न सकिन्छ । जसमा जसपामा आबद्ध नेता कार्यकर्ताहरु अग्र स्थानमा रहेको छ ।
मधेश प्रदेश जसपाका एक नेता ललिता बिद्रोही तत्माले “खानेलाई खान दिनु पर्छ” भन्ने अभिव्यक्ति दिएका थिए जस्कारण उहाँको बिरोध भए पछी उहाँले आफ्नो शब्द पछि वापस लिएका थिए।
यसै बिच जसपा सुनसरी जिल्ला सदस्य प्रभु नारायण यादवले पनि गाई गोरु काट्नेहरुको समर्थन गरिरहेको पाईएको छ। अहिले सामाजिक सञ्जालमा सार्वजनिक भएको फोनकल रेकर्ड अनुसार “गाई गोरु खानेले खान्छ” , “जसलाई राम्रो लाग्छ त्यसले खान्छ”, धर्म निर्पेक्ष राष्ट्र हो”,” सबैले आफ्नो अनुसार गर्न पाउँछ” “हामी कसैलाई बन्चित गर्दै नौ” यादवले भनेको कुरा उक्त रेकर्डमा प्रस्ट सुन्न सकिन्छ । अगाडि भनेका छन् “हामी ब्राह्मण क्षेत्रिको लागि लड्दै नौ “मधेशी, मुस्लिम, जनजाति, अदिवासी, दलित मिलेर देशमा हावी हुन्छौ “।
यस संगै अन्य बिभिन्न राजनीतिक दलमा आबद्ध भएकाहरुले समेत समर्थनमा लेखि रहेको, बोलिरहेको देख्न सकिन्छौ। देशको बहुसंख्यक सनातन हिन्दू धर्म मान्नेहरुको आस्था सँग सँगै संबिधानले बर्जित गरेको कुरालाई ख्याल न गर्दै कथाकथित केही व्यक्तिको समुले खुल्ला रुपमा गाई गोरु काटेर खाँदा राजनीतिकदलहरु चुपचाप बस्नुले पनि मौन समर्थन रहेको बुझिन्छ। देसको सार्वभौमिक्ता, अखण्डता र समरसताको भावलाई बिखण्ड गर्ने नियतले सञ्चालन भईरहेको गतिविधिलाई राजनीतिक दलका नेता तथा कार्यकर्ताहरुको अभिव्यक्तिले थप बल मिली रहेको छ।
नेपालको संविधानको धारा ९ उपधारा (३) मा नेपालको राष्ट्रिय जनावरको रूपमा गाईलाई राखिएको छ। त्यस्तै, मुलुकी अपराध (संहिता) ऐन, २०७४, भाग २, परिच्छेद–२७ मा गाई गोरु काट्न नहुने उल्लेख छ। गाई गोरुलाई कुटी अङ्गभङ्ग भएमा निजलाई ६ महिनासम्म कैद र ५० हजार रुपैयाँसम्म जरिवानाको व्यवस्था मुलुकी अपराध संहिताले गरेको छ।
