तस्विर : फाईल
हरिनगर । सुनसरीको कोसी गाउँपालिका वडा नम्बर ७ का वडाध्यक्ष लालदेव सदाको हस्ताक्षर कीर्ते गरेको आरोपमा एकजनालाई पक्राउ परेको छ ।
वडाध्यक्ष सदाको हस्ताक्षर कीर्ते गरेको आरोपमा कोशी ७ का ३८ वर्षिय मुनेश्वर शर्मालाई प्रहरीले पक्राउ गरेको हो । वडाध्यक्ष सदाको हस्ताक्षर कीर्ते गरेको आरोपमा शर्मालाई नियन्त्रणमा लिएको जिल्ला प्रहरी कार्यालय सुनसरीका प्रहरी नायव उपरीक्षक एवम् प्रवक्ता नवीन कृष्ण भण्डारीले जानकारी दिनुभयो ।
सदाको उजुरीका आधारमा शर्मालाई पक्राउ गरिएको भण्डारीले पुष्टि गरेका छन् । आरोपित शर्मालाई बुधबार सुनसरी जिल्ला अदालतबाट म्याद थप गरी आवश्यक अनुसन्धान गरिने तयारी भएको भण्डारीले जानकारी दिनुभयो । नेकपा माओवादी केन्द्र का अगुवा कार्यकर्ता रहेका आरोपित शर्माले आफू वडाध्यक्ष भएको भन्दै राष्ट्रिय भूमि आयोगको ढाँचाअनुसार भूमिहीन, सुकुम्बासी र अव्यवस्थित बसोबास गर्ने विपन्न समुदायको लगत सङ्कलन फारममा वडाध्यक्ष सदाको कीर्ते हस्ताक्षर गरेको आरोप रहेकोछ ।
